Accessibility links

Suriyanın yaşlılar və uşaqlar da daxil edilməklə, mülki əhalinin Homs şəhərinin bəzi bölgələrini tərk etməsindən bir neçə gün sonra şəhərə humanitar yardımlar çatdırılır.

BMT sözçüsü bildirib ki, Fövqəladə Hallar Koordinatoru Valeri Amos şəhərə yardım işçilərinin buraxılmasını alqışlayıb.

BMT və onun humanitar yardım tərəfdaşları ərzaq, dərman və digər təcili ləvazımatı yaxın ərazilərə daşıyıb.

BMT-nin Fövqəladə Hallar Koordinatoru Valeri Amos şəhərdə hələ də xəstə və yaralı insanların qaldığını deyib.

Suriya hökumətinin Homs şəhərini bir ildən artıq mühasirədə saxlaması şəhərdə ərzaq qıtlığına yol açmışdı.

BMT və Suriya hökumətinin cümə axşamı əldə etdikləri razılığa əsasən Homs və digər mühasirədə olan şəhərlərə yardım çatdırılması məqsədi ilə 3 gün atəşkəs elan edilib.
XS
SM
MD
LG