Suriyada böhranı müşahidə edən qrupun bildirdiyinə görə, Birləşmiş Ştatların başçılıq etdiyi koalisiya qüvvələri keçən gecə İŞİD-lə əlaqəsi olmayan iki İslamçı yaraqlı dəstəsini hədəf alıb.
Baş qərargahı Britaniyada yerləşən Suriya İnsan Haqlarının Müşahidəsu qrupu hücumların keçən gecə Suriyanın şimal-şərqi İdlib vilayətindəki Nusra Cəbhəsinə qarşı həyata keçirildiyini bildirib. Bu, sentyabr ayından bəri Əl-Qaidə ilə əlaqəsi olan yaraqlı qrupa qarşı ikinci hava hücumudur.
Nusra Cəbhəsi keçən həftə həmin bölgədə Qərbin dəstəklədiyi döyüşçüləri məğlub etmişdi.
Müşahidəçilər Türkiyə ilə sərhəd yaxınlığında fəaliyyət göstərən Əhrar Əl-Şam İslamçı dəstəsinin də koalisiya qüvvələri tərəfindən hədəf alındığını bildirib.