Accessibility links

Fəallar Suriya paytaxtının bir neçə hissəsində üsyançılar və hökumət qüvvələri arasında şiddətli döyüşlərin getdiyini bildirir.

Suriyanın mərkəzi hissəsində yerləşən Palmira şəhərində isə maşına bomba yerləşdirilmiş iki intiharçı hücumu baş verib. Fəlların verdiyi məlumata görə, hərbi kəşfiyyat bölməsinin qərargahını hədəf alan hücum Suriya təhlükəsizlik qüvvələrinin 12 üzvünün ölümülə nəticələnib.

Dövlət məxsus mediada partlayışlarla bağlı fərqli məlumat verilərək, bombaların yaşayış məntəqəsində baş verdiyi və bir neçə adamın öldüyü bildirilib.

BMT Suriyada 2011-ci ilin mart ayında böhran başlayandan 60 mindən çox insanın həyatını itirdiyini bildirir.
XS
SM
MD
LG