Accessibility links

Azərbaycanda tank əleyhinə bölmələrin intensiv hazırlığı keçirilir [Fotoqalereya]


Tank əleyhinə bölmələrin şəxsi heyətinin intensiv hazırlığı

Tank əleyhinə bölmələrin şəxsi heyətinin intensiv hazırlığı

Müdafiə naziri əsas diqqətin zirehli texnikaya qarşı mübarizəyə yönəldilməsini tələb edib

Qoşunların döyüş hazırlığı planına əsasən təlim mərkəzilərində tank əleyhinə bölmələrin şəxsi heyətinin intensiv hazırlığı həyata keçirilir.

Azərbaycan Müdafiə Nazirliyinin mətbuat xidmətinin məlumatına görə bölmələrin sərəncamında olan mövcud silahlarla yanaşı tank əleyhinə idarə olunan raket komplekslərindən döyüş atışları hazırlığı üzrə taktiki məşqlər aparılır.

Mətbuat xidməti bildirir ki, müdafiə naziri Zakir Həsənov əsas diqqətin tank əleyhinə bölmələrin şəxsi heyətinin döyüş hazırlığı, qarşılıqlı fəaliyyəti, mənəvi-psixoloji vəziyyəti, zirehli texnikaya qarşı mübarizə üsullarının aparılması məsələlərinə yönəldilməsini tələb edib.

Məlumatda deyilir ki, təlimlərə cəlb olunan şəxsi heyətin nəzəri, praktiki və psixoloji hazırlığı yoxlanılır, düşmənin zirehli texnikasının zəif yerləri, tapşırıqların daha operativ və səmərəli yerinə yetirilməsi, qarşıya qoyulan vəzifələrin icra olunması səviyyəsi öyrənilir.

XS
SM
MD
LG