İyulun 9-da Bərdə rayon (Bakıdan 305 kilometr qərb) sakini Elşad Dadaşov Tərtər çayı üzərinsdəki körpüdən özünü asaraq intihar edib. Yerli sakinlər Dadaşovun banka olan kredit borcunu ödəyə bilmədiyindən intihar etdiyini bildirir.
Baş Prokuroroluğun mətbuat xidməti Amerikanın Səsinə Bərdə rayon Prokurorluğunda fakt üzrə Cinayət Məcəlləsinin 125-ci maddəsi (özünü öldürmə həddinə çatdırma) ilə cinayət işi açıldığını bildirib.
“Hazırda ölümün səbəblərinin müəyyənləşdirilməsi istiqamətində zəruri istintaq tədbirləri davam etdirilir”, Baş Prokurorluğun mətbuat xidmətinin rəhbəri Eldar Sultanov Amerikanın Səsinə bildirib.
