Accessibility links

Tramp: Terrorizm NATO görüşündə əsas mövzu olacaq


ABŞ prezidenti Donald Tramp və Belçikanın baş naziri Çarls Mişell
ABŞ prezidenti Donald Tramp və Belçikanın baş naziri Çarls Mişell

ABŞ prezidenti Donald Tramp NATO liderləri ilə görüşdən öncə terrorizmi dünya qarşısında duran “bir nömrəli” problem adlandırıb. O, terrorizmə qarşı mübarizədə mühüm inkişafa nail olunduğunu deyib.

Belçikanın baş naziri Çarls Mişellə görüşü zamanı Tramp bildirib ki, ABŞ və NATO bir sıra problemlər üzərində işləyəcək. O, Britaniyada bazar ertəsi baş vermis intiharçı bomba hücumunu qeyd edib və terrorizmin müzakirələrin əsas mövzusu olacağını vurğulayıb.

“Belə şeyləri gördükdə bu mübarizədə qələbə çalmağın nə dərəcədə mühüm olduğunu başa düşürsən. Və biz bu mübarizədə qalib gələcəyik”, Tramp bəyan edib.

ABŞ prezidenti Brüsselə Vatikanda Roma Papası Fransislə danışıqlar apardıqdan sonra gəlib. Tramp Tvitter səhifəsində yazdığı mesajında bildirib ki, görüşdən sonra o, bütün dünyada sülhün yaradılması işini bundan sonra daha qətiyyətlə davam etdirmək əzmindədir.

Roma Papası ilə görüşdən öncə isə Amerika prezidenti Yaxın Şərqdə İsrail və Fələstin liderləri ilə danışıqlar keçirib. Səudiyyə Ərəbistanı paytaxtı Ər-Riyadda ərəb və müsəlman ölkələrinin liderləri qarşısında nitqində Tramp müsəlman ölkələrini terrorizmə qarşı mübarizədə birliyə çağırıb.

Dünyaya Baxış

Dünyaya Baxış. Ukrayna Rusiyanın 26 pilotsuz təyyarəsini vurduğunu bildirib
please wait

No media source currently available

0:00 0:10:31 0:00

Amerika İcmalı

Amerika İcmalı. Ukraynaya dəstək və yardım. NATO baş katibinin Cənubi Qafqaza səfəri.
please wait

No media source currently available

0:00 0:29:43 0:00
XS
SM
MD
LG