Accessibility links

ABŞ höküməti ərzaq məhsullarında hidrogenləşdirilmiş yağların həcmini qismən azaldılması istiqamətində addımlar atmağı planlaşdırır. Bunun ürək-damar xəstəlikləri və başqa sağlıq problemlərinin azalmasına yol açacağına ümid edirlər.

Ərzaq və Dərman administratiyası bildirib ki, hidrogenləşdirilmiş yağlar insanlarda pilənmənin yaranmasına səbəblərindən biridir.

Hidrogenləşdirilmiş yağlar əsasən marqarin, bəzi şiriniyyat məmulatlar və dondurulmuş pizzalarda istifadə olunur.

ABŞ səhiyyə rəsmiləri bu kimi yağlardan istifadə nəticəsində hər il 7 min insanın öldüyünü və 20 min insanın infakt keçirməsinə səbəb olduğunu bildirir.

Ərzaq və Dərman administratiyası istehsalçılara alternativ yollar tapmaq üçün müddət verildikdən sonra hidrogenləşdirilmiş yağların ərzaq məhsullarında istifadəsinə qadağa qoyulmasını təklif edib.

Təklifin yekunlaşdırılmasına qədər 60 gün ərzində məsələ ilə fikir bildirələcək.

İstehlakçılar bu təşəbbüsü ictimai səhiyyə sahəsində atılan ən mühüm bir addım kimi qiymətləndiriblər.

ABŞ Tibb İnstitutu hidrogenləşdirilmiş yağlardan istifadənin heç bir xeyri olmadığını bildirib.

İstehsalçıların böyük hissəsi məhsullarda artıq hidrogenləşdirilmiş yağları əvəzləyib. ABŞ-da bu yağlardan istifadə səviyyəsinin aşağı düşdüyü müşahidə edilir.
XS
SM
MD
LG