Accessibility links

“Türk Ocaqları” dərnəyi Türkiyənin Karabük elində “İran (Güney Azərbaycan) türklərinin vəziyyəti və bölgədəki son durum” adlı konfrans təşkil edib.

Araz News veb səhifəsi və Karabük elinin yerli mediası bu haqda məlumat yayıb.

1912-ci ildən bəri fəaliyyət göstərən Türk Ocaqlarının Karabük Universitetində təşkil etdiyi konfransda “Təbriz Araşdırmaları İnstitutu”​ndan Məhəmməd Rza Heyət və Babək Şahid məruzəçi kimi Azərbaycan və İranın digər bölgələrində yaşayan türklərin hazırkı durumunu şərh ediblər.

Yayılan məlumata istinadən təqribən 300 tələbə, alim və araşdırmaçının qatıldığı tədbirdə “Güney Azərbaycanın günümüzdəki siyasi və sosio-mədəni durumu və İran dövlətinin İran türklərinə baxışı” eləcə də, Dağlıq Qarabağ və Xocalı Qətliamı kimi mövzulara diqqət çəkilib.

Konfransda həmçinin Türkiyə, İran və Rusiyanın gündəmə gələn mövzulara dair siyasət və mövqeləri dəyərləndirilib.

2 saat davam edən tədbirin son hissəsində məruzəçilər Karabük Universiteti tələbələrinin suallarını cavablandırıblar.

Fikirləriniz

Show comments

XS
SM
MD
LG