Accessibility links

Ukraynanın şərq regionunda separatistlər səsvermə keçirir. Kiyev və Qərbin tanımayacaqlarını elan etdikləri seçkilərdə Luqansk və Donetskin parlament üzvləri və liderləri seçilir.

Avropa İttifaqı və ABŞ separatistlərin səsverməsini qeyri-qanuni adlandıraraq, bunun Ukrayna konstitusiyası və sentyabr ayının 5-də əldə edilən atəşkəsə zidd olduğunu bildirib.

Rusiya isə seçkilərin nəticələrini tanıyacağını bəyan edib. Qərb səsvermənin bu regiondakı böhranın həllinə mane olacağı barədə xəbərdarlıq verib.

Avropa İttifaqı Rusiyanı seçkiləri tanımamağa çağırıb.

Bu arada Ukrayna ordusunun bildirdiyinə görə, Rusiyadan separatistlərin nəzarətində olan Ukraynanın şərq bölgəsinə əsgəri qüvvə və silah daşınır.

Xəbər agentlikləri işarəsiz yük maşınlarının Donetskin hava limanına doğru irəlilədiyini bildirib.

Separatistlərin əlində olan Donetskin hava limanı hökumət qüvvələrinin nəzarəti altındadır.

XS
SM
MD
LG