Ukrayna hərbi vertolyotunun pilotu iki il Rusiya həbsxanasında həbsdə qaldıqdan sonra Moskva onu azad edib.
Nadiya Savçenko çərşənbə günü qəhrəman kimi qarşılanıb. Ukrayna prezidenti Petro Poroşenko onu ölkənin ən yüksək şərəf mükafatı olan Ukrayna Qəhrəmanı adına layiq görüb.
Pilot iki Rusiya əsgəri ilə mübadilə nəticəsində azad edilib.
Savçenko iki Rusiya jurnalistini Ukraynanın şərqində bomba hücumu zamanı öldürməkdə ittiham olunurdu.
Rusiya prezidenti Vladimir Putin bildirib ki, jurnalistlərin həyat yoldaşları ondan ukraynalı pilotu bağışlamağı istəyib.
