Accessibility links

ABŞ-ın Narkotik Maddələrlə Mübarizə Xidmətinin agentini qətlə yetirən meksikalı
Rafael Karo Quintero 28 illik həbs cəzasını başa vurub.

Meksika məhkəməsi gözlənilmədən onun Enrike Kamarenanı öldürdüyünə görə federal deyil, stat məhkəməsində mühakimə edilməli olduğunu deyərək, Quinteronun azadlığına dair hökm çıxarıb.

Narkotik Maddələrlə Mübarizə Xidməti məhkəmənin qərarına görə təəssüfünü bildirərək, Kamarenanın oğurlanması, ona işgəncə verilməsi və qətlə yetirilməsinin təşkilatçısı Caro Quinteronin olduğunu deyir. Qurum bütün səylərini səfərbər edərək qatilin yenidən həbsə qaytarılacağını bildirib.

Hadisə ABŞ-Meksika əlaqələrində gərginliyə səbəb olub. Amerika rəsmiləri Kamarenanın qatilini azad etdiklərinə görə meksikalı həmkarlarını günahlandırıb. Quintero Meksikanın ən birinci və ən böyük narkotik kartelinin təsisçisidir. O, hələ də ABŞ-ın axtarışda olanlar siyahısındadır.
XS
SM
MD
LG