Prezident Obama yeni 3,7 trilyonluq büdcəni təsdiq üçün Konqresə göndərib

ABŞ prezidenti Barak Obama 3,7 trilyonluq federal büdcəni təsdiq olunmaq üçün Konqresə təqdim edib. Cənab Obamanın yeni büdcə layihəsində federal defisitin 10 il ərzində 1,1 trilyon dollar azaldılması nəzərdə tutulur. Konqresin Nümayəndələr Palatasının respublikaçı spikeri Con Beyner layihəni tənqid edərək deyib ki, burada yenə də böyük xərclər əksini tapıb. Onun sözlərinə görə,yeni büdcə iqtisadi qeyri-müəyyənliyin artmasına səbəb olacaq və yeni iş yerlərinin yaradılmasına xidmət etməyəcək.