Birləşmiş Ştatlardakı kəskin hava şəraiti çərşənbə günü azı 6 nəfərin ölümünə, bir neçə nəfərin isə itkin düşməsinə səbəb olub.
Milli Hava Xidmətinin məlumtında tornado və güclü leysan yağışlarının Arkanzas, Missisipi, Luiziana və Tennisi ştatlarının ayrı-ayrı hissələrində baş verdiyi deyilir.
Amerikanın orta-qərb və şərq bölgələrində isə qışın ilk həftəsi, mövsümə uyğun olmayan ilıq hava şəraiti hökm sürür. Milad bayramı günü Birləşmiş Ştatların böyük şəhərləri Nyu-York, paytaxt Vaşinqton və Filadelfiyada havanın temperaturu müsbət 22 dərəcə olacaq.
Rəsmilər havanın qeyri-normal ilıq keçməsinə El-Nino adı ilə tanınan hava şəraitinin səbəb olduğunu deyirlər.
