Noyabrın 17-də keçirilən valyuta hərracında dolların məzənnəsi 1.7089 manata qədər bahalaşıb. Hərrac 1 dollar üçün 1.7039 manat məzənnəsi ilə başlayıb.
Azərbaycan Mərkəzi Bankı noyabrın 16-da dolların məzənnəsini 1,7039 manat elan edib.
Oktyabrın ortalarından başlayaraq dolların məzənnəsinin sürətlə artması fonunda daha çox kommersiya bankları Amerika valyutasının satışını dayandırır.
Belə ki, noyabrın 16-da 15-dək bank əhaliyə dollar və avro satmır ki, bu da “qara bazar”ın çiçəklənməsinə şərait yaradır.
Rəsmi məzənnə bir dollara görə 1,7039 manat olduğu halda banklar valyutanı 1,7720 manata satır, 1,7670 manata alır.
Eyni zamanda “qara bazar”da dollar 1,82 manata satılır, 1,81 manata alınır.
Ekspertlər ilin sonuna qədər dolların məzənnəsinin 1,80-1,85 manata çatacağını proqnozlaşdırırlar.
