Accessibility links

Venesuela müxalifəti seçkilərin yenidən keçirilməsini tələb edir


Etirazçılar polisin müqaviməti ilə qarşılaşıb

Venesuelanın müxalifət lideri Henrike Kaprilesin qəzəbli tərəfdarları onun prezident seçkilərində məğlub olmasına etiraz əlaməti olaraq ikinci dəfə etiraz aksiyası keçirməyi planlaşdırır.

Dünən Kaprilesin tərafdarları Karakas küçələri boyu etirazlarını qazan və tavalara vuraraq, zibil yeşiklərini yandıraraq bildirib və seçkilərin yenidən keçirilməsini tələb edib.
Polis nümayişi gözyaşardıcı qaz və rezin güllələrlə dagıdıb.

Müxalifətin etirazları bir neçə əsas şəhərlərdə də baş qaldırıb.

Etirazlar Venesuelanın seçki komissiyasının bazar günü keçirilən səsvermədə müvəqqəti prezident Nikolas Maduronun qələbəsini elan etməsi ilə başlayıb. Sabiq prezident Uqo Çavezin davamçısı olan Maduro seçkilərdə cüzi fərqlə (49.1-50.7) Kaprilesə qalib gəlib.
XS
SM
MD
LG