Venesuela prezidenti Huqo Çavez deyib ki, daşqınlar nəticəsində evlərini itirmiş adamları yerbəyer etmək üçün hökumət özəl kurort zonalarını və torpaqları müsadirə edəcək. Cənab Çavez milli aeroport ətrafında yerləşən 36 hektar ərazinin müsadirə edilməsinə və həmin ərazidə minlərlə ev tikilməsinə göstəriş verib. O, həmçinin rəsmilərə istifadə olunmayan otel otqalarını və turist kurortlarını doldurmağı tapşırıb.
Son günlərin şiddətli leysan yağışları nəticəsində azı 32 adam ölmüş, 70 mindən çox adam evsiz-eşiksiz qalmışdır.