Accessibility links

ABŞ Dövlət Departamenti: Azərbaycan hökumətini cənab Əylislinin təhlükəsizliyini təmin etməyə çağırırıq (Audio)



ABŞ Dövlət Departamenti yazıçı Əkrəm Əylisliyə qarşı təqiblərə münasibət bildirib. Amerikanın Səsinin (www.amerikaninsesi.org) Dövlət Departamentindən aldığı məlumata görə, fevralın 13-də keçirilən brifinq zamanı Dövlət Departamentinin sözçüsü Viktoriya Nuland Birləşmiş Ştatların məsələni yaxından izlədiyini bildirib.

“Biz bu məsələni yaxından izləyirik. Bildiyimizə görə Müasir Müsavat partiyasının sədri hüquq-mühaizə orqanları tərəfindən sorğu-sual edilmək üçün çağırılıb. Bu, doğru addımdır. Biz ifadə azadlığına inanır və buna dəstəyimizi bildiririk. Biz Azərbaycan hökumətini cənab Əylislinin təhlükəsizliyinin qorunmasına dair üzərinə düşən vəzifəni yerinə yetirməyə çağırırıq”-deyə Viktoriya Nuland bildirib.




Fevralın 11-də hökumətyönlü Müasir Müsavat partiyasının sədri Hafiz Hacıyev Əkrəm Əylislinin qulağını kəsən adama 10 min manat verəcəyini bəyan edib.

Beynəlxalq Human Rights Watch təşkilatı fevralın 12-də açıqladığı bəyanatda xarici hökumətlər və Azərbaycanın üzv olduğu hökumətlərarası təşkilatları yazıçı Əkrəm Əylisliyə qarşı təqib kampaniyasının əleyhinə çıxmağa və Azəraycan hakimiyyətini Əylislinin ünvanına hədələri dərhal araşdırmağa çağırıb.
XS
SM
MD
LG