Accessibility links

Azərbaycan və Ermənistan prezidentlərinin görüşü başa çatıb


Azərbaycan prezidenti İlham Əliyev və Ermənistan prezidenti Serj Sarkisyan

Azərbaycan prezidenti İlham Əliyev və Ermənistan prezidenti Serj Sarkisyan

Prezidentlər görüşün nəticələri barədə mətbuata heç bir açıqlama verməyiblər

Noyabrın 19-da Vyanada Ermənistan və Azərbaycan prezidentləri Serj Sarkisyan və İlham Əliyevin görüşü günün ikinci yarısında başa çatıb.

Bu barədə Rusiyanın RİA-NOVOSTİ agentliyi məlumat yayıb.

Prezidentlər Palais Coburg otelini mətbuat üçün heç bir bəyanat vermədən tərk ediblər.
Görüşün yekunlarına görə, ATƏT-in Minsk qrupu həmsədrlərinin bəyanat verəcəyi gözlənilir.

Bu, iki il sonra iki ölkə prezidentinin ilk görüşü idi. Gözlənildiyi kimi, görüşdə tərəflər etimad tədbirlərinin möhkəmləndirilməsi və Qarabağ nizamlanması üzrə danışıqların bərpası məsələlərini müzakirə ediblər.

Bir müddət əvvəl Ermənistan tərəfi snayperlərin cəbhə xəttindən çəkilməsi zərurəti haqqında məsələ qaldırıb.

ATƏT MQ-nin həmsədri olan dövlət başçılarının bəyanatında isə hərbi bəyanatlara son qoymaq və xalqları sülhə hazırlamaq zərurəti vurğulanıb.
XS
SM
MD
LG