Accessibility links

Elman Abdullayev: Azərbaycan Ukraynadakı vəziyyətin siyasi dialoqla həllinin tərəfdarıdır


Xarici İşlər Nazirliyinin mətbuat xidmətinin rəhbəri Elman Abdullayev

Xarici İşlər Nazirliyinin mətbuat xidmətinin rəhbəri Elman Abdullayev

Azərbaycan Xarici İşlər Nazirliyi ABŞ Dövlət Departamentinin İnsan Hüquqları hesabatına və Ukrayna hadisələrinə münasibət bildirib

Azərbaycan Xarici İşlər Nazirliyinin mətbuat xidmətinin rəhbəri Elman Abdullayevin ABŞ Dövlət Departamentinin Azərbaycanda insan hüquqlarına dair hesabatı və Ukraynadakı vəziyyətlə bağlı sualları cavablandırıb. Müsahibə Xarici İşlər Nazirliyinin rəsmi internet saytında yayılıb. Sualların kimə və ya hansı quruma mənsub olduğu barədə məlumat verilmir.

Sual: ABŞ Dövlət Departamentinin 2013-cü il üzrə Azərbaycanda insan hüquqlarına dair hesabatını necə şərh edərdiniz?

ABŞ Dövlət Departamentinin dair hesabatı qərəzli səciyyə daşıyır.
Cavab: ABŞ Dövlət Departamentinin 2013-cü il üzrə Azərbaycanda insan hüquqlarına dair hesabatı ötən illərdə olduğu kimi, ölkədə insan hüquqları və demokratiyanın real vəziyyətindən tam fərqli bir mənzərə təqdim etməklə qərəzli səciyyə daşıyır.
Müxtəlif şübhəli mənbələrdən irəli sürülən və subyektiv mülahizələr üzərində qurulduğu aydın olan əsassız ittihamları özündə əks etdirən sənədin obyektivliyinin təmin edilməsi üçün Azərbaycan dövlət qurumları ilə hər hansı əməkdaşlıq aparılmamışdır. Dövlət qurumlarımız ötən illərin təcrübəsindən çıxış edərək və ABŞ tərəfini növbəti qeyri-obyektiv və metodoloji baxımdan qüsurlarla dolu dəyərləndirmə sənədinin dərc edilməsindən çəkindirmək üçün əvvəlki bənzər hesabatlarla bağlı şərhlərini ABŞ Dövlət Departamentinə təqdim etmişdir. Təəssüf ki, nə bu şərhlər, nə də hesabatın əhatə etdiyi dövrdə Azərbaycan hökuməti tərəfindən ölkədə insan hüquqlarının qorunmasının təkmilləşdirilməsi istiqamətində atılan mühüm qanunvericilik və praktiki addımlar sənəddə nəzərə alınmamışdır.

Sual: İnsan hüquqlarının qorunması üzrə beynəlxalq təsisatlar, xüsusilə BMT-nin İnsan Hüquqları Şurası mövcud olduğu halda, ABŞ Dövlət Departamentinin birtərəfli qaydada dünya ölkələrində insan hüquqlarının vəziyyətinə dair şərh verməsi nə dərəcədə düzgündür?

Ölkədə güclü və səmərəli insan hüquqlarının müdafiəsi sistemi qurmağa müvəffəq olmuş Azərbaycana münasibətdə belə bir qərəzli sənədin yayılması ona siyasi təzyiq göstərilməsi cəhdlərindən başqa bir şey deyildir.
Cavab: ABŞ Dövlət Departamentinin dünya ölkələrində insan hüquqlarının vəziyyətini dəyərləndirən hesabatlar dərc etməsi təcrübəsinin özünü doğrultmadığı aydındır. Əgər bu zaman güdülən məqsəd həqiqətən də dünyada insan hüquqlarının durumunun yaxşılaşdırılmasından ibarətdirsə, biz ABŞ tərəfini insan hüquqları üzrə beynəlxalq mexanizmlərin təkmilləşdirilməsinə daha çox səy qoymağa çağırırıq.

Ölkədə güclü və səmərəli insan hüquqlarının müdafiəsi sistemi qurmağa müvəffəq olmuş Azərbaycana münasibətdə belə bir qərəzli sənədin yayılması ona siyasi təzyiq göstərilməsi cəhdlərindən başqa bir şey deyildir.

Sual: Azərbaycan Respublikasının Dağlıq Qarabağ regionu və ətraf yeddi rayonun işğalına münasibətdə hesabatda bu ərazilərin Ermənistanın dəstəyi ilə separatçıların “nəzarətində” olduğu yazılır?

Ümidvarıq ki, növbəti hesabatda ABŞ Azərbaycan ərazilərinin işğalı və təcavüz faktını qeyd etməkdən çəkinməyəcəkdir.
Cavab: Nəzərə almaq lazımdır ki, Ermənistan-Azərbaycan, Dağlıq Qarabağ münaqişəsi ilə əlaqədar BMT Təhlükəsizlik Şurasının daimi üzvü kimi ABŞ-ın iştirakı ilə qəbul edilmiş BMT TŞ-nın 822, 853, 874 və 884 saylı qətnamələrində Azərbaycan Respublikasının ərazilərinin işğal edilməsi və suverenliyinin pozulması faktları öz əksini tapmışdır.

ABŞ tərəfindən Azərbaycan Respublikasının ərazi bütövlüyünün, suverenliyinin və sərhədlərinin toxunulmazlığının dəstəklənməsi dəfələrlə ifadə olunmuşdur. Ümidvarıq ki, növbəti hesabatda ABŞ Azərbaycan ərazilərinin işğalı və təcavüz faktını qeyd etməkdən çəkinməyəcəkdir.

Digər vacib məqam ondan ibarətdir ki, ən elementar hüquqlardan belə məhrum olmuş bir milyondan artıq azərbaycanlı qaçqın və məcburi köçkünlərin hüquqlarının pozulmasının əsl səbəblərindən niyyətli şəkildə bəhs edilmir.

Sual: Ukraynada baş verən son hadisələrlə bağlı nə deyə bilərsiniz?

Azərbaycan Ukraynanın konstitusiyası əsasında vəziyyətin tezliklə sabitləşdirilməsinin tərəfdarıdır.
Cavab: Azərbaycan Ukraynadakı vəziyyətin ölkə daxilindəki bütün siyasi qüvvələrin dialoqu və konstruktiv əməkdaşlığı, həmçinin maraqlı tərəfdaş dövlətlərlə birgə fəaliyyət vasitəsilə həllinin tərəfdarıdır.

Azərbaycan eləcə də Ukraynada sabitliyin, əmin-amanlığın və milli birliyin bərqərar olması prosesinə ciddi xələl yetirən radikalizm və ekstremizmin qarşısının alınmasına çağırır və
XS
SM
MD
LG