Accessibility links

Xocalı qətliamından 23 il keçir [Video & Fotoqalereya]


1992-ci ilin fevralında şəhərin yüzlərlə sakini qətlə yetirilib

Xocalı faciəsindən iyirmi üç il keçir. Ölkədə matəm günüdür.

Xocalı qurbanlarına ucaldılmış “Ana fəryadı” abidəsinin önündə fəxri qarovul düzülüb. Ölkənin bütün məktəblərində Xocalı ilə bağlı xatirə dərsləri keçirilir, muzeylərdə, salonlarda, parklarda faciəni əks etdirən sərgilər açılıb, Azərbaycanın bütün diplomatik nümayəndəliklərində anım mərasimləri təşkil edilib, məscidlərdə dualar oxunur.

Fevralın 26-da yerli vaxtla saat 17-də ölkə ərazisində hərəkət dayanacaq, Xocalı qurbanlarının xatirəsinə 1 dəqiqəlik sükut olacaq.

1992-ci il fevralın 25-dən 26-na keçən gecə erməni silahlı dəstələri SSRİ dövründə Xankəndi şəhərində yerləşmiş 366-cı motoatıcı alayın zirehli texnikasının və rus hərbçilərinin köməyi ilə Xocalı şəhərini yerlə-yeksan edib.

Prezident İlham Əliyev, Milli Məclisin deputatları, hökumət üzvləri, siyasi partiyalar, on minlərlə ictimaiyyət nümayəndəsi “Ana fəryadı” abidəsinin önünə gələrək faciə qurbanlarını yad edib. Bu il qurbanları yad edənlər sırasında Türkiyənin Azərbaycanda səfərdə olan xarici işlər naziri Mövlud Çavuşoğlu da var.

1992-ci il fevralın 25-dən 26-na keçən gecə erməni silahlı dəstələri SSRİ dövründə Xankəndi şəhərində yerləşmiş 366-cı motoatıcı alayın zirehli texnikasının və rus hərbçilərinin köməyi ilə Xocalı şəhərini yerlə-yeksan edib.

Mülki əhaliyə qarşı törədilmiş kütləvi qırğın nəticəsində 613 nəfər, o cümlədən 106 qadın, 63 uşaq, 70 qoca qətlə yetirilib, 487 nəfər şikəst olub, 1275 dinc sakin əsir götürülüb, 155 nəfərin taleyi hələ də məlum deyilr. 8 ailə tamamilə məhv edilib, 25 uşaq hər iki valideynini itirib.

Öz növbəsində, hər il faciə ərəfəsində Ermənistan Xarici İşlər Nazirliyi faciədə ölkəsinin əli olmadığını bildirir.

XS
SM
MD
LG