Accessibility links

Yaponiya Asiyada iki qüvvə arasında münasibətləri pozan ərazi mübahisəsini həll etmək məqsədi ilə Çin hökuməti ilə danışıqlar apardığını deyib.

Nazirlər kabinetinin baş katibi Osamu Fucimura xarici işlər nazirinin köməkçisi Çikao Kavainin ötən həftə yüksək rütbəli Çin rəsmiləri ilə Şanxayda gizli görüş keçirdiyi xəbərini təsdiqləyib. O, deyib ki, yeni təmaslar Tokyonun Pekinlə Şərqi Çin dənizində mübahisəli adalara dair müxtəlif səviyyələrdə danışıqlarının bir hissəsidir.

Çin və Yaponiya arasında münasibətlər ötən ay Tokyonun bir qrup mübahisəli adaları yaponiyalı sahibkarlardan aldıqdan sonra korlanmışdır.

Yaponların Senkaku, çinlilərin sə Diaoyu adlandırdıqları adalar potensial enerji mənbələri və balıqçılıq üçün mümbit sularla əhatə olunub.
XS
SM
MD
LG