Accessibility links

İntiharçının Yəmənin mərkəzi bölgəsində şiə Huti qəbilələrinin toplaşdığı yerdə həyata keçirdiyi bomba hücumu azı 33 nəfərin ölümünə səbəb olub.

Partlayışın bu gün İbb şəhərinin mədəniyyət mərkəzində Məhəmməd peyğəmbərin ad günü qeyd edilən vaxt baş verdiyi deyilir. Yaralananlar arasında vilayət qubernatorunun da olduğu bildirilir.

Şəhər sakinləri və təhlükəsizlik qüvvələrinin bildirdiyinə görə, həmin bölgədə daha bir bomba hücumu həyata keçirilib.

Hücuma görə məsulıiyyətini öz üzərinə götürən olmayıb.

Huti şiələrin sentyabr ayında Yəmən paytaxtı Səna da daxil olmaqla ölkənin bir sıra ərazilərini ələ keçirdikdən sonra onlar və Ərəbistan Yarımadasında Əl-Qaidə və müttəfiq sünni qəbilələr arasında qarşıdurmalar baş verib.

XS
SM
MD
LG