Yəmən rəsmiləri və şahidlərin dediyinə görə, artıq ikinci gündür Birləşmiş Ştatların hərbi təyyarələri Əl-Qaidənin ölkənin cənub bölgəsindəki mövqelərini hədəf alır.
Yəmən rəsmiləri bugünkü hücumlar zamanı əsas hədəflərdən birinin Əl-Qaidə liderinin Şabve vilayəti, Vadi-Yaşamdakı evi olduğunu bildirib. Hücumlar eləcə də qonşu Abyan vilayətini əhatə edib.
Yerli sakinlərdən biri keçən gecənin hücumlarını "vahiməli" kimi təsvir edib.
Yerli sakinlərın dediyinə görə, ölənlər arasında mülki vətəndaşlar olub. Birləşmiş Ştatlar rəsmiləri hücumlar haqda hələlik heç bir açıqlama verməyib.
Fransa xəbər agentliyinə müsahibə verən sakinlərdən biri keçən gecə həyata keçirilən hücumların "vahiməli" olduğunu deyib.
ABŞ rəsmiləri Əl-Qaidə üzvlərinin Yəmən ərazilərindən istifadə edərək, ABŞ və onun müttəfiqlərinə qarşı terror hücumları planlaşdırdığını bildirib.
