430 at gücünə malik yük maşınına 40 ton yük yüklənib. Avtomobilə yol boyu Daimler yük maşını və avtobus departamentdən Volfqanq Bernhard nəzarət edir.
Onunla söhbət aparan isə sərnişin yerində oturan Baden-Vuertemberq ştatının baş naziri Vinfred Kretsçmandır. Baden-Vuertemberq sürücüsüz yük maşınına icazə verən ilk ştatdır.
Magistralda olduğu zaman sürücü sükana nəzarəti yük maşınına verir.
Volfqanq Bernhard: “Bu düyməyə basmaqla biz yola düşürük və dünyada ilk sınağı keçiririk. Baş nazir, buna icazə verirsizmi? Gəlin getdik.”
Bir az sonra yük maşını A8 magistralında öz-özünə saatda 80km sürətlə hərəkət edir. Yük maşınını polis maşını ilə birlikdə kameraya sahib başqa avtomobil də izləyir.
Bu o demək deyil ki, sürücü yata bilər. Yük maşınına nəzarət edən şəxs qaydalara ciddi riayət etməlidir.
Volfqanq Bernhard: “Mən arxaya, ətrafa dönməməliyəm. Nəqliyyata nəzarət etməliyəm. Lakin əllərimi sükandan çəkə bilərəm. Gördüyünüz kimi,sükan rahat hərəkət edir və avtomobil yoluna davam edir.”
Radar və bir neçə video kamera və sensorlar davamlı yolun vəziyyətinə nəzarət edir. Əks halda avtomobil sürücüdən sükana keçməsini istəyəcək. Əgər o bunu etməsə maşın avtomatik yavaşılayıb dayanacaq.
Daimler şirkəti bildirir ki, bu yük avtomobili sürücülərinə monoton şəkildə sürərək yola davam etməməsinə və tıxaclarda dayanıb-getmək kimi hallarda kömək edəcək.
Şirkət ümid edir ki, 2020-ci ilədək bu cür nəqliyyat vasitələri üçün lazımı qanunlar hər yerdə qüvvəyə minəcək.