Accessibility links

Yunanıstanda böhran turizmi zəiflədə bilər [Video]


Turizm rəsmiləri Avropanın tələblərinin iqtisadi artımın qarşısını alacağını deyir

Beynəlxalq kreditorlarla yeni xilas paketi barədə razılıq əldə olunmasa Yunanıstanda iqtisadi fəlakət baş verəcək. Buna baxmayaraq ölkəyə turist axını davam edir. Rəsmilər deyir ki, bu il turistlərin sayı normaldır. Lakin onlar həmçinin xilas paketinin bir hissəsi olaraq təklif olunan vergi artımlarının turizmə göstərəcəyi mənfi təsirlər barədə xəbərdarlıq edir.

hər iki tərəf iqtisadiyyatın davamlılığı üçün vacib olan struktur islahatları üzərində anlaşmalıdır ki, Yunanıstan borclarını qaytara bilsin

Bura Qərb sivilizasiyasının əsasının qoyulduğu yerdir.

Buradan qayıqla qısa bir məsafədə Aralıq dənizində cənnət kimi yüzlərlə ada yerləşir. Buranın həm də zəngin mətbəxi var. Elə buna görə, Yunanıstanın nə üçün turistlərin siyahılarında ilk yeri tutduğunu anlamaq çox asandır. Ötən il turizmdən əldə olunan gəlir rekord olaraq 15.1 milyard dollar təşkil edib.

Yunanıstanın Turizm Federasiyasının sədri Aleksandr Lamnidis ümumdaxili məhsul baxımından turizmin sənaye və kənd təsərrüfatından daha vacib olduğunu deyir.

Afinada məşhur Akropolisi ziyarət edənlər burada heç bir problemlə üzləşmədiklərini deyirlər.

“Çoxları bizi buraya gəlməkdən çəkindirməyə çalışırdı. Biz xəbərləri hələ ABŞ-da olanda eşitdik. Düzünü desəm, xəbərlər bir az şişirdilib.”

Böhrana baxmayaraq hazırda Yunanıstanda milyonlarla turist var. Turizm rəsmiləri isə deyir ki, Yunanıstan iqtisadiyyatının bərpa olunması üçün bu çox mühümdür.

Ümumdaxili məhsul baxımından turizmin sənaye və kənd təsərrüfatından daha vacibdir

Kreditorların təklif etdiyi vergi artımına isə əlavə dəyər vergisinin 23 faizədək artırılması daxildir. Bundan əlavə yunan adaları mövcüd ƏDV endirimini də itirəcəklər.

Turizm rəsmiləri Avropanın tələblərinin iqtisadi artımın qarşısını alacağını deyir.

Afina Ticarət Palatasının prezidenti Konstantin Mikalosun sözlərinə görə, ölkənin ən vacib sənayesi turizmdir. Ona görə də, hər iki tərəf iqtisadiyyatın davamlılığı üçün vacib olan struktur islahatları üzərində anlaşmalıdır ki, Yunanıstan borclarını qaytara bilsin.

Bəzi bankomatlardakı gecikmələri çıxmaq şərtilə, Yunanıstan hər zamankı kimi çox dincdir. Yerlilər deyir ki, iqtisadiyyatın bərpa olunmasına kömək etməyin ən asan yolu Yunanıstanı ziyarət edib, ölkənin nemətlərindən faydalanmaq, çoxlu avro xərcləməkdir.

XS
SM
MD
LG