Azərbaycanın müdafiə naziri Zakir Həsənov MDB ölkələri Müdafiə Nazirləri Şurasının noyabrın 30-da keçiriləcək iclasında iştirak etmək üçün Moskvaya gedib.
Səfər çərçivəsində Z.Həsənov rusiyalı həmkarı Sergey Şoyqu ilə görüşəcək. Məlumatı Azərbaycan Müdafiə Nazirliyinin mətbuat xidməti yayıb.
Z.Həsənov və S.Şoyqu iki ölkə arasında hərbi əməkdaşlığın müxtəlif aspektlərini, regional təhlükəsizlik məsələlərini müzakirə edəcəklər.
Həmçinin Azərbaycan və Rusiya Müdafiə nazirlikləri arasında 2017-ci il üçün əməkdaşlıq planının imzalanması gözlənilir.
Z.Həsənovun bir sıra ölkələrin müdafiə nazirləri ilə görüşləri nəzərdə tutulub.
