Accessibility links

ABŞ-ın Gizli Xidmət idarəsinin başçısı istefa verib


ABŞ-ın Gizli Xidmət idarəsinin başçısı Culiya Pirson vəzifəsindən istefa verib.

Administrasiya rəsmiləri Pirsonun istefasını prezident Barak Obamaya təqdim etdiyini və onun istefanı qəbul etdiyini bildiriblər. Ağ Evin sözşüsü Coş Ernstin bildirdiyinə görə, Pirson prezident Obama ilə görüşüb və Amerika lideri ona ölkəyə göstərdiyi 30 illik xidmətə görə təşəkkürünü bildirib.

Qanunvericilər Ağ Evdə təhlükəsizliyin qorunmasında yol verilmiş səhvlərə görə Pirsonu kəskin tənqidə məruz qoyublar.

Konqresin Nümayəndələr Palatasının spikeri Con Beyner deyib ki, təhlükəsizliklə bağlı daha artıq detallar açıqlandıqca Gizli Xidmət idarəsinin işinin qeyri-məqbul olduğu daha da aydın olur.

Nümayəndələr Palatasında demokratların lideri Nensi Pelozi də yenidən təhqiqat aparılmasına çağırıb.

Prezident Obama və onun ailəsinin təhlükəsizliyinin qorunması işinə görə məsuliyyət daşıyan Gizli Xidmət idarəsinin ünvanına tənqidlər hasarı keçərək Ağ Evə daxil ola bilmiş Omar Qonsalesin Vaşinqtonda məhkəmə qarşısına çıxarıldığı vaxt səslənir. O, sentyabrın 19-da təhlükəsizliyə riayət etməyib, cibində bıçaq gəzdirərək prezident iqamətgahına keçmək ittihamı üzrə özünü müqəssir tanımayıb.

Dünyaya Baxış

Dünyaya Baxış. Ukrayna Rusiyanın 26 pilotsuz təyyarəsini vurduğunu bildirib
please wait

No media source currently available

0:00 0:10:31 0:00

Amerika İcmalı

Amerika İcmalı. Ukraynaya dəstək və yardım. NATO baş katibinin Cənubi Qafqaza səfəri.
please wait

No media source currently available

0:00 0:29:43 0:00
XS
SM
MD
LG