Accessibility links

Ebola virusundan ölənlərin sayı 4555 nəfərə çatıb


Ümumdünya Səhiyyə Təşkilatı Ebola virusundan ölənlərin sayının 4555 nəfər olduğunu bəyan edib. Xəstəliyə yoluxanların ümumi sayı isə 9200 nəfər təşkil edir.

9 nəfərdən başqa ölənlər Qvineya, Liberiya və Syerra Leone sakinləridir.

Associated Press-in məlumatına görə,ÜST bu ölkələrdə virusun ilk dəfə diaqnozlaşdırılmasından sonra lazımı tədbirlər görmədiyinə dair hesabat hazırlayıb. Hesabatda təşkilat işçilərini virusa ləng cavab verməkdə günahlandırıb.

Bu arada ABŞ prezidenti Barak Obama vitse-prezident Co Baydenin sabiq yardımçısı Ron Kleyni virusla mübarizə koordinatoru təyin edib.

Bu gün həftəlik müraciətini Ebolaya həsr edən prezident Amerikada virusun yayılmasına imkan verilməyəcəyini və ABŞ-ın Ebola ilə beynəlxalq mübarizə səylərinə rəhbərlik edəcəyini deyib.

Bəzi ABŞ qanunvericiləri Qərbi Afrika ölkələrindən Amerikaya səfərlərin yaqsaqlanmasına çağırıb.

ABŞ dövlət başçısı bu çağırışı rədd edərək bildirib ki, yolların bağlanması vəziyyəti ağırlaşdıra bilər.

Prezident bütöv bir regionun dünyaya təcridinin bölgənin səhiyyə işçiləri və təchizatla təmin edilməsinə mane olacağını deyib.

XS
SM
MD
LG