Avropa İnsan Haqları Məhkəməsi Azərbaycana dair daha bir iş üzrə qərar çıxarıb.
Avropa məhkəməsinin yaydığı məlumata görə məhkəmə,Gəncənin sabiq polis rəisi Natiq Əfəndiyevin Konvensiyanın “ədalətli məhkəmə araşdırması hüququ”nun pozulduğu qənaətinə gəlib.
Bu səbəbdən Azərbaycan hökuməti Natiq Əfəndiyevə 4,500 avro həcmində kompensasiya ödəməlidir.
N. Əfəndiyev 2005-ci ildə dövlət çevrilişinə cəhddə ittiham olunaraq həbs edilib. Sonradan isə bu ittiham onun üzərindən götürülüb və Cinayət Məcəlləsinin 228.2-ci (qanunsuz silah gəzdirmə) maddəsi ilə ittiham irəli sürülüb. N. Əfəndiyev 5 il müddətinə azadlıqdan məhrum edilib. 2010-cu ildə azadlığa çıxıb.
Sabiq polis rəisi bundan öncə 2000-ci ilin yanvar ayında həbs edilmişdi.
Ömürlük azadlıqdan mərhum edilən sabiq polis rəisi 2005-ci ilin mart ayında əfv fərmanı ilə azadlığa çıxan N.Əfəndiyev bir neçə aydan sonra yenidən həbs olunmuşdu.
