Azərbaycan xarici işlər naziri Elmar Məmmədyarov iyulun 22-də Brüsseldə ATƏT-in Minsk Qrupunun həmsədrləri ilə görüşüb.
Xarici İşlər Nazirliyinin mətbuat xidmətinin məlumatına görə, görüş zamanı Qarabağ münaqişəsinin ictimaiyyətə yaxşı məlum olan prinsipləri, həmçinin ATƏT-in Minsk qrupu həmsədrlərinin (Fransa, ABŞ, Rusiya) bəyanatları əsasında nizamlanması prosesinin sürətləndirilməsi məsələsi müzakirə edilib.
Xatırladılır ki, Minsk Qrupu ölkələrinin prezidentləri dəfələrlə öz bəyanatlarında indiki status-kvo-nun saxlanmasının yolverilməz olduğunu qeyd ediblər.
Qeyd edək ki, Brüsseldə həmsədrlər Ermənistan xarici işlər naziri Edvard Nalbandyanla da görüş olub.
