Yəmən hökuməti və şiə müxalifət milli birlik hökumətinin yaradılmasına dair razılıq imzalayıb

<p>Yəmən paytaxtı Sənada döyüşlərlə başlayan bu gün hökumət və şiə müxalifət nümayəndələri arasında milli birlik hökumətinin yaradılmasına dair razılığın imzalanması ilə başa çatıb.</p> <p>Yəmən hökumətinin açıqladığı yazılı bəyanatda prezident Abdrabu Mənsur Hadinin şiələrin Ansarullah müxalifət qrupunun üzvləri və ölkənin aparıcı siyasi partiyalarının nümayəndələri ilə razılığı Sənada prezident sarayında imzaladığı bildirilir.</p> <p>Sazişdə tərəflər dərhal atəşkəsə, hökumətin şəffaflığı artırması, iqtisadiyyat və təhlükəsizlik sahələrində islahatlar keçirməsinə çağırılır.</p> <p>Yəmən rəsmiləri şiələrin nümayişləri və son ay ərzində silahlı toqquşmalar nəticəsində 100-dən çox həyatını itirdiyini təxmin edir. Şiə üsyançılar Yəmən hökumətindən daha geniş siyasi hüquqlar verilməsini istəyirdir.</p> <p>Hələlik şiələrin hökumətdə hansı rol oynayacağı tam aydın deyil. &nbsp;&nbsp;</p> <p>Paytaxt Sənada BMT-nin sülh üzrə nümayəndəsinin hökumət qüvvələri və şiə üsyançılar arsında sülh sazişinin imzalanacağını elan etməsinə baxmayaraq, bütün gecə döyüşlər davam edib.</p> <p>Keçən həftədən başlayaraq Sənada döyüşlərin şiddətləndiyi müşahidə edilib. Lakin şənbə günü BMT-nin xüsusi nümayəndəsi Camal Benomar tərəflərin şilərin də daxil olduğu milli birlik hökumətinin yaradılmasına dair sazişi imzalayacağını deyib.</p> <p>&nbsp;</p>