Mayın 30-da Bakıda İkinci Ümumdünya Mədəniyyətlərarası Dialoq Forumu açılıb.
“Çoxmədəniyyətli dünyada sülh şəraitində birgə yaşama” devizi ilə keçirilən forumda 100-dən çox ölkənin və beynəlxalq təşkilatların nümayəndə heyətləri iştirak edir.
Azərbaycan prezidenti İlham Əliyev forumu açıb. O deyib ki, indiki forum 2008-ci ildə başlamış Bakı prosesinin davamıdır.
“Coğrafi körpü olan Bakı eyni zamanda mədəniyyətlər arasında körpü rolunu oynayır”, - Əliyev vurğulayıb.
Azərbaycan burada yaşayan müxtəlif etiqadlı xalqların tarixi vətənidir və onların sülh şəraitində birgə yaşaması tolerantlığa nümunədir.
