ABŞ prezidentliyinə Demokrat namizəd Hillari Klinton və onun Respublikaçı rəqibi Donald Tramp ABŞ hüquq-mühafizə orqanları və afro-amerikalılar arasında artan gərginlik fonunda polisin dəstəyi uğrunda yarışır. Klinton cümə günü Nyu-Yorkda bütün ölkə boyu yüksək vəzifəli hüquq-mühafizə rəsmiləri ilə görüş keçirib, Tramp isə Şimali Karolinada yerli polis təşkilatını ziyarət edib. Bundan əlavə hüquq-mühafizə məsələsi Trampın kampaniyasının menecmentini dəyişəndən sonra etdiyi ilk böyük çıxışının əsas mövzusu olub.