Donald Trampın seçkiqabağı vədlərindən biri qanunsuz mühacirətlə mübarizə olub. Son günlər Amerikanın Mühacirət və Gömrük İdarəsinin 5 şəhərdə keçirdiyi reydlər zamanı 680 nəfər nəzarət altına alınıb. İdarənin reydlərin müntəzəm şəkildə həyata keçirildiyini deməsinə baxmayaraq, mühacirət qurumları narahat olmağa başlayıb. Hazırda ABŞ-da kölgədə yaşayan milyonlarla insan və onların Amerikada dünyaya gələn övladları qorxu içərisində yaşayır.