BMT-nin Qaçqınlar üzrə Agentliyi venesuelalıların kütləvi axının davam etdiyini bildirir. Bir çoxları Braziliyaya emiqrasiya etməyə üstünlük verir. Ümumilikdə, 2017-ci ildə böhran başlayandan bəri  Braziliyaya 52 mindən çox venesuelalı qaçıb. Braziliya rəsmilərinin bildirdiyinə görə, Venesuelada sosial-iqtisadi vəziyyətin pisləşməsi ilə Braziliyaya hər gün təxminən 800 insan keçir. Onlar arasında Varao adlı aborigen qrupun üzvləri də var. Onlar yeni həyata ayaqlaşmaq üçün çox sayda çətinliklərlə üzləşir.