NİDA vətəndaş hərəkatının idarə heyətinin üzvü Turqut Qəmbər Amerikanın Səsisnə müsahibəsində 9 fevralda keçirilən növbədənkənar parlament seçkilərini şərh edib. Siyasi fəalın sözlərinə görə, hakimiyyət yaratdığı məhdudiyyətlərlə insanların seçkiyə marağını azaltmağa çalışdı. “Bu məhdudiyyətlər nədən ibarətdir; birincisi pulsuz efir vaxtı ayrılmadı. Pulsuz efir vaxtının ayrılmaması hələ də ictimaiyyətdə baş verən hadisələri, informasiyanı daha çox televiziyalardan alan insanları seçki barədə xəbərsiz qoydu. İkincisi isə təbliğat müddəti çox qısa oldu. 20 gün ərzində 40 min insana çatmaq ya qeyri-mümkündür, ya da çox çətindir.”