Amerika Birləşmiş Ştatlarında afrikalı amerikalı Corc Floydun polis zorakılığı nəticəsində ölümündən sonra irqi bərabərsizliyə qarşı nümayişlərin davam etdiyi vaxt iyunun 4-də Minneapolis şəhərində Floydun anım mərasimi keçirilib. Onun ölümündən sonra ölkə boyu baş qaldırmış etiraz nümayişlərində polis zorakılığına son qoyulması və ədliyyə sistemində islahatlarla bağlı çağırışlar səsləndirilib. Minnesota Azərbaycanlılar Assosiasiyasının təsisçisi və rəhbəri Günel Musəvi Amerikanın Səsinə müsahibəsində Corc Floydun ölümünə reaksiyalardan danışıb.