Rusiyanın Şimali Qafqaz bölgəsindəki Pyatiqorsk şəhərindəki kafedə güclü partayış olub.Stavropol polisinin verdiyi ilkin məlumata görə,15 adam xəsarət alıb. İTAR-TASS xəbər agentliyi isə qeyri-müəyyən sayda insanın həlak olduğunu bildirib. Polis hücumun terror aksiyası olduğunu təxmin edir. Bu gün Şimali Osetiya Respublikasında kamikadze hücumu nəticəsində bir polis işçisinin həlak olduğu xəbər verilir. Rəsmilər hücum zamanı iki adamın yaralandığını bildirir. Hücumun məsuliyyətini üzərinə alan olmayıb.