Şənbə günü Londonun mərkəzində Temza çayının sahilində yerləşən böyük incəsənət mərkəzi olan Somerset House-da yanğın baş verib.
Binadan tüstü çıxıb, damında isə alov görünüb. Yanğınsöndürənlər alovları söndürməyə çalışıb.
Londonun Yanğınsöndürmə Briqadası yanğının səbəbinin hələ ki, məlum olmadığını bildirib. Əraziyə 15 yanğınsöndürən maşın, təxminən 100 yanğınsöndürən göndərilib.
Somerset House bildirib ki, bütün işçiləri və ziyarətçilər sağ-salamatdır, bina isə bağlanıb.
Təxminən 250 yaşı olan neoklassik binada Van Qoq, Manet və Sezannın əsərlərinin yer aldığı Courtauld Qalereyası yerləşir.
Forum