Accessibility links

Küveyt əmiri parlamentin buraxılması barədə qərar verib


Küveyt əmiri hökümətlə seçki qanunu ətrafında konfliktdən sonra parlamentin buraxılması barədə qərar verib. Küveytin rəsmi xəbərlər aqentliyi bildirir ki, Şeyx Sabah əl-Əhməd əl-Sabah parlamentin buraxılması və yeni parlament seçkilərinin 2006-cı ilin iyunun 29-da keçirilməsi barədə qərar verib. Bu qərar islahatçı parlament üzvlərinin baş nazir Şeyx Nəsir əl-Məhəmməd əl-Sabahı seçki islahatları barədə hesabatını tələb etdikdən sonra verilmişdir.

Xatırladaq ki, bu ay ölkənin nazirlər kabineti seçkilər qanununun yeni layihəsini hazırlamış və seçki dairələrinin sayının 25-dən 10-dək azaltmağı təklif etmişdir. Lakin islahatçıların əksəriyyəti dairələrin sayının 5-dək azaldıb, seçki zamanı mümkün ola biləcək saxtakarlıqları azaltmağı tələb edir.

XS
SM
MD
LG