Roma Papası XVI Benediktin 4 günlük səfəri qızğın mübahisələrlə müşayiət olunur. Türklərin bir hissəsi onun İslamla bağlı şərhlərindən hiddətlənmiş, diqərləri isə Türkiyənin Avropadakı rolu barədə onun fikirlərini qəbul etmirlər. Roma Papası Benediktin əhalisinin əksəriyyətini müsəlmanların təşkil etdiyi Türkiyəyə səfərinin əsas məqsədi mədəniyyətlər və dinlər arasında dialoqun təbliğ edilməsidir. Roma Papası 16-cı Benedikti Ankara hava limanında Türkiyənin baş naziri Rəcəb Tayip Ərdoğan qarşılamışdır. Az sonra Roma Papası müasir Türkiyənin banisi Mustafa Kəmal Atatürkün məqbərəsini ziyarət edib, məzarı üzərinə əklil qoymuşdur. Roma Papası 16-cı Benedikt Türkiyə prezidenti Əhməd Necdet Sezer və ali müsəlman rəsmisi Əli Bardakoğlu ilə qörüşmüşdür. Sabah Benedikt İstambula səfərindən əvvəl ölkənin qərbində yerləşən qədim Efes şəhərini qedəcək.