ABŞ ekspertlərindən ibarət heyət Şimali Koreyanın tərksilah barədə razılğına yuğun olaraq əsas nüvə obyektlərinin sıradan çıxarılması prosesinə başlamaq üçün bu gün Pxenyana gəlib. Pxenyana yola düşməzdən əvvəl Pekində danıışan heyətin başçısı Sunq Kim deyib ki, qrup gələn bir neçə gün ərzində Şimali Koreyanın əsas nüvə obyekti olan Yonqbyona getməlidir. Sunq Kimin sözlərinə görə, onun rəhbərlik etdiyi qrup nüvə kompleksində rotasiya üzrə işləyəcək iki qrupdan biridir. ABŞ nümayəndəsi ən tez bir zamanda işə başlanılacağını bildirib.