İraq polisi bildirir ki, İmam Hüseynin 40-nı qeyd etmək üçün müqəddəs Kərbəla şəhərinə gedən şiə zəvvarlara qarşı həyata keçirilən intiharçı hücumu nəticəsində 40 nəfər həlak olub, 20 nəfər yaralanıb. Bu gün Bağdadda da şiə zəvvarlara hücum olmuş, 3 nəfər ölmüş, 36 adam yaralanmışdır. Bu həftə müqəddəs Kərbəla şəhərinə milyonlarla zəvvarın gedəcəyi gözlənilir.
İraqdan alınan digər xəbərdə bildirilir ki, İraqın baş naziri Nuri Əl-Maliki son iki ay ərzində ikinci dəfədir ki, səhhəti ilə əlaqədar Londona gedib.