İranın ali ruhani rəhbəri Ayətulla Əli Xameneyi qərb ölkələrini islam
respublikasının nüvə proqramındakı məhdudiyyətlərə diqqət yetirilməsi
və onların həftə sonu müzakirələri zamanı nəzərə alınmasına çağırıb.
Şənbə günü İsveçrə danışıqlarında Amerikanın yüksək səlahiyyətli
diplomatı Uilyam Börnslə, İran nümayəndəsi Səid Cəlili iştirak edəcək.
Danışıqların diqqət mərkəzində İranın nüvə fəaliyyətlərinin
dayandırılması məsələsi yer almalıdır. Görüş İranla ABŞ arasında nadir
görüşlərdən biri olacaq. Danışıqlar İranın bu yaxınlarda keçirdiyi
raket sınaqlarından sonra gərginliklərin dərinləşdiyi vaxt keçirilir.
Cenevrədə təşkil ediləcək görüş Avropa İttifaqının Xarici Siyasət
Şöbəsinin rəhbəri Xaviyer Solananın başçılığı altında keçiriləcək.