Accessibility links

Barak Obamanın Əfqanıstan səfəri davam edir


ABŞ prezidentliyinə namizəd Barak Obama xarici siyasət kursunun nümayiş etdirmək üçün Kabildə Əfqan prezidenti Hamid Karzay ilə görüşüb. Əfqan rəsmiləri bildirirlər ki, senator Obama və prezident Karzay yaxşı mühafizə edilən prezident iqamətgahında nahar ziyafətində iştirak ediblər. Video kasetdə onların təbəssümlə keçirdikləri görüş nümayiş etdirilib. Lakin bu barədə təfərrüatlı məlumat verilməyib. Cənab Obama əvvəllər İraqdakı Amerika hərbi qüvvələrinin sayının azaldılmasına və onların Əfqanıstana göndərilməsinə çağıraraq bildirib ki, Əfqanıstan terrorçuluğa qarşı mübarizədə əhəmiyyətli ölkədir. Hazırda Amerikanın 35 min əsgəri Əfqanıstanda xidmət göstərir.

XS
SM
MD
LG