İsrail rəsmiləri bildirirlər ki, baş
naziri Ehud Olmert bu gün istefa
ərizəsini prezident Şimon Peresə rəsmən təqdim edəcək. Cənab Olmert bu gün
hökumətinin iclasında vəzifəsindən
kənara çəkilməsi planı barədə məlumat verib. O, kabinetinin yığıncağında xarici işlər naziri Tzipi Livnini Kadima
partiyasının yeni lideri kimi dəstəkləyəcəyini bildirib. Prezident Peresin
xanım Tzipi Livniyə koalisiya hökumətinin təşkili və baş nazir vəzifəsini
öhdəsinə götürməsini istəyəcəyi gözlənilir. Tsipi Livni koalisiya hökumətini təşkil edə bilməsə, növbədənkənar
parlametdə seçkilər keçirilməlidir.