Amerikada
yaşayan azərbaycanlılar bu gün Vaşinqtondakı Azərbaycan səfirliyində təşkil
olunmuş seçkilərdə iştirak ediblər.
Rəsmi
məlumatlara görə, hazırda paytaxt Vaşınqton da daxil olmaqla Amerikanın Şimal
Cənubu boyunca 37 ştatında qeydiyyatdan keçmiş azərbaycanlıların sayı təxminən
1900-ə yaxındır. Onlardan yalnız 98 nəfəri səsvermə hüququna malikdir. Bundan
əlavə iş və digər məqsədərlə Amerikaya gələn azərbaycanlılar da bu gün
həmyerliləri ilə birlikdə Vaşınqtondakı Azərbaycan səfirliyində səsverməyə
qoşulublar.
Digər seçki məntəqəsi isə Azərbyacanın Loc-Ancelesdəki Daimi
Nümayəndəliyində yaradılıb və orada təxminən 100-dən artıq azərbaycanlının səs
verəcəyi gözlənilir.
Vaşınqtondakı
38 saylı Azərbaycan Seçki Məntəqəsinin sədri Ali Qarayev deyir ki, seçkilrlə
bağlı bütün prosedurlara əməl olunub:
Cənab Qarayevin
sözlərinə görə, seçkilər aktiv keçir, iş günü olmasına baxmayaraq, ehtimal
olunan seçicilərin 35 faizdən artığı saat 12-dək səs verib.
Öz növbəsində,
Amerikada yaşayan azərbaycalılar seçki prosesinin ölkənin taleyində mühüm mərhələ olduğu
fikrindədirlər. Xüsusilə də Azərbaycanın Qərbdəki nüfuzu baxımından. Bir
sıra seçki ekspertləri isə diqqəti buna yonəldirlər ki, Azərbacanın xaricdəki
seçici potensialı ümumilikdə səsvermənin ümumi nəticələrinə təsir göstərəcək
sayda deyil.