Birləşmiş Ştatların Azərbaycandakı
səfiri Enn Dersi bildirib ki, “Amerikanın səsi”, “Azadlıq” və BBC radiolarının
Azərbaycanda yayılması iki dövlət arasındakı məqsədlərdən biri kimi
səciyyələndirilə bilər. Səfir Dersi “Amerikanın
səsi”nin sualının cavabında bildirib ki, Birləşmiş Ştatlar artıq bu radioların
Azərbaycanda yerli tezliklərdə ilin sonundan yayımının mümkünsüzlüyü ilə bağlı
öz dərin narahatlığını ifadə edib. Onun sözlərinə görə, bu istiqamətdə
Azərbaycanın müvafiq qurumlarının rəhbərləri ilə danışıqlar aparılıb.“Ümidvar olmaq isərdik ki, Azərbaycan hökuməti
bizim mövqeləri və həmçinin bu cür radiostansiyaların fəaliyyətinin davam
etdirilməsinin mahiyyətini və vacibliyini başa düşür”. Səfir daha sonra əlavə
edib ki, Azərbaycan vətəndaşları tərəfindən də artıq bu radioların fəaliyyətin
davam etdirilməsi üçün müxtəlif səslər gəlir. Dersi umid edib ki, “Amerikanın səsi”,
“Azadlıq” və BBC radiostansiyaları fəaliyyətini davam etdirməklə, Azərbaycanın
mediasına da yeni töhfələr verəcək.