İranın mühafizəkar qanunvericiləri vitse-prezidentin istefasına çağırıblar. Buna səbəb olaraq onlar vitse-prezidentin Turizm nazirliyində Quranı təhqir edən tədbirin keçirilməsini göstərirlər.
İran mətbuatının verdiyi məlumata görə, qanunvericilər prezident Mahmud Əhmədinejadı vitse-prezident Esfəndiyar Rahim Məşhaiyeni vəzifəsindən kənarlaşdırmağa çağırıblar. Məşhaiyenin turizm nazirliyində bu ayın əvvəli keçirilən tədbirdə ənənəvi geyimdə olan qadın musiqi sədaları altında əlində Quran aparırdı. İran mətbuatı bunu “rəqs” mərasimi kimi təsvir edib.
İranın mühafizəkar siyasi partiyası olan İslam koalisiya cəbhəsi açıq məktubda turizm nazirliyinin tədbirini Quranı təhqir edən tədbir kimi qiymətləndirib.