Rusiyanın baş
naziri Vladimir Putin Ukrayna ilə artmaqda olan gərginliklər fonunda Rusiyanın
Avropaya qaz nəqlinin dayandırılmasına göstəriş verib. Cənab Putin bu qərarı
Qazprom şirkətinin rəhbəri Aleksey Millerlə görüş zamanı verib. Ukraynanın Naftoqaz dövlət enerji şirkətinin
bildirdiyinə görə, Qazprom qaz təminatını bu gündən etibarən dayandırıb. Avstriya, Slovakiya, Rumıniya və Çex Respublikası
da təminatın tamamilə dayandıırldığını bəyan edib. Rusiyadan qaz təminatı
kəsilən ölkələrin ümumi sayı 12-dir.
Avropa İttifaqı rəsmiləri
Rusiyanın bu əməlini “qəbuledilməz”
adlandırır. Rusiya Ukraynanın qazla
təminatını yanvar ayının birindən dayandırıb. Avropaya qaz nəqli isə Rusiyanın
Ukraynanı qaz oğurluğunda ittiham etməsindən sonra kəsilib. 6 Balkan ölkəsi, Macarıstan və Türkiyə
təminatdan çərşənbə axşamından məhrum edilib. Avropa İttifaqının Rusiya ilə
Ukraynanın müzakirələrə hazır olduğunu elan etməsi ABŞ Dövlət Departamenti
tərəfindən alğışlanıb.